“Бір жылдығын ойлаған халық бидай егеді, жүз жылдығын ойлаған халық ағаш егеді” демекші 2024 жылдың 3 мамырында «Мағжан Жұмабаев атындағы ІТ-мектеп-лицей» КММ ұстаздары, оқушылары, түлектері және ата-аналары «Түлектердің ағаш отырғызуы» челленджіне қатысты. Бұл челлендж Мемлекет басшысының «Таза Қазақстан» экологиялық акциясын қолдау мақсатында республика бойынша сағат 11-00-де бір уақытта өтті. Мектеп ауласына пирамидалық теректер, қайыңдар, мамыргүлдері (сирень) отырғызылды. 9-11 сынып түлектері мектеп жанына 20 түп қарағай отырғызды. Бұл шараға ата-аналар белсене қатысты. Ағаш отырғызу үшін мектептің 1-11 сыныптарының ата-аналары барлық ағаштармен қамтамасыз етті. “Атаңнан мал қалғанша, тал қалсын” деген аталы сөзді басшылыққа ала отырып, іс-шараның барлық қатысушыларына үлкен алғысымызды білдіреміз!