Жылдағыдай маусымның жазғы шуақты күнінде жүздерінде қуаныш ұялаған ата-аналарды,құшақтары гүлге толған түлектерді көруге болады. Бұл күн түлектердің көзінен қуанышты және қимастықты байқауға болады, себебі 11 жыл білім алған мектеппен қоштасар сәт. 2024 жылдың 14 маусымында Оқушылар сарайында "М.Жұмабаев атындағы ІТ-мектеп - лицей” КММ оқушыларына арналған мектепті бітіру кеші өтті. Бес 11 сыныптың 80 түлегі өздерінің көптен күткен аттестаттарын алды.11 Б сынып оқушысы - Амангелді Данаға қызыл аттестат берілді. Сондай-ақ, түлектер пәнді оқудағы ерекше жетістіктері үшін мақтау қағаздарымен марапатталды. Мектеп директоры Б.Ж.Касенова түлектерді және ата-аналарды құттықтап,мақсатқа жетіп, қалаған мамандық иесі болуға тілек тілеп жылы лебізін білдірді. Салтанатты ісшара мұғалімдер мен ата-аналардың шығармашылық өнерімен жалғасты. Түлектерге ҰБТ-дан жоғары балл алуға сәттілік тіледі.