Қазақстанда жыл сайын 5 қазан педагогтердің кәсіби мерекесі тойланады. Дәстүр бойынша мереке күні өскелең ұрпақты оқыту мен тәрбиелеудегі жоғары жетістіктері үшін мұғалімдерді құрметтейді.
Ұстаздар күніне орай ұйымдастырылған кезекті салтанатты жиында "Мағжан Жұмабаев атындағы ІТ-мектеп-лицей" КММ тәжірибелі педагогтері: физика-математика пәндерінің мұғалімі Баязитова Айсулу Амангельдиновна - "БІЛІМ БЕРУ ІСІНІҢ ҚҰРМЕТТІ ҚЫЗМЕТКЕРІ" төсбелгісімен, музыка пәні мұғалімі Садыкова Алмагуль Есеновна мен қазақ тілі мен әдебиеті мұғалімі Жүзен Бақыт Ермекқызы - "Ы. АЛТЫНСАРИН" төсбелгілерімен марапатталды. Әріптестерімізді жоғары деңгейдегі марапаттарымен шын жүректен құттықтаймыз. Өңіріміздің, еліміздің білім саласына сіздердің қосып келе жатқан үлестеріңіз зор. Біз сіздермен мақтанамыз. Болашақта да алар асуларыңыз бен бағындырар белестеріңіз, шығар шыңдарыңыз көп болсын деп тілейміз.