Мағжан Жұмабаев атындағы ІТ-мектеп-лицейде болашақ 1 - сынып оқушыларына арналған «Балақайлар мектебі» өз жұмысын бастады. «Балақайлар мектебі» 12 – 23 тамыз аралығында өтеді. Негізгі мақсаты – балалардың оқуға ынтасын қалыптастыру, білім алуға деген қызығушылығы мен қалауын, құрдастарымен қарым-қатынас жасауын дамыту.
Биылғы жылы мектеп табалдырығын аттағалы отырған бүлдіршіндер алғашқы күнді таңғы жаттығумен бастады. Одан кейін мұғалімдер балалармен әртүрлі нейрожаттығулар, танымдық ойындар, қызықты сабақтар және мектеп ішінде саяхат жүргізді.
