Сынып жетекшілері ұлттық валютаның қашан және қалай пайда болғаны, тәуелсіздік жылдарында банкноттар мен монеталардың қандай өзгерістерге ұшырағаны, сондай-ақ теңгенің ел экономикасындағы рөлі туралы қызықты презентациялар мен бейнематериалдар дайындады.
Оқушылар талқылауға белсенді қатысып, қаржылық викториналарды шешті, топпен жұмыс істеп, заманауи банкноттардың дизайны және олардың бетінде бейнеленген тарихи тұлғалар туралы шағын жоба жасады. Ақшаны үнемдеп жұмсау және жеке бюджетті жоспарлауға қатысты тапсырмалар оқушылардың ерекше қызығушылығын тудырды.
